وجّه محمد علي النهدي رسالة مؤثرة إلى زملائه في القطاع الفني والثقافي، وذلك قبيل العرض الأول لفيلمه الجديد “الروندة 13”، اختار من خلالها أن يتحدّث بصراحة وبأسلوب مباشر عن أهمية الحضور والدعم في حياة الفنان.
وقال النهدي في نص رسالته:
“أكيد جدّا،
اليوم انحبّ نخاطب مباشرة الزملاء والزميلات والأصحاب والصاحبات، كامل أهل القطاع الفنّي والثقافي.
أنا شخصيّا، ونحكي على روحي، عمري ما بخلت على حتى فنان، وكلّ ما كنت نقدر نمشي نتفرّج في عمل، نمشي مهما كان: مسرحيّة، فيلم، معرض…
لفنّان قديم والا حتى جديد، نمشي ونشجّع، وساعات والله نبدا موش مستدعي… نندعّم ونحضر.
غدوة عرسي الفنّي، غدوة في Pathé Tuniscity مع الثامنة ليلا، العرض الأوّل لفيلمي “الروندة 13”، فيلم متاع خمسة سنين خدمة…
للفنّانين والزملاء والأصدقاء: ما تستنّاونيش حتى لين نموت باش تجيو الكلّ وتبداو متأثّرين وحزانة…
وقدّاه من جنازة متاع فنّان ريت فيها الناس الكلّ…
اجاوني غدوة السبت، نفرح كيف نراكم…
لأنّو نهار آخر ما نعرفش كان نفرح والاّ لا.”